سنڌ سنگت جا پيٽي قاعدا
 (مقامي شاخن لاءِ)
(13 ڊسمبر 1998ع تائين درست ٿيل)

1. نالو:
هنن قاعدن جو نالوسنڌ سنگت جا 13 ڊسمبر 1998ع وارا پٽي قاعدا (مقامي شاخن لاءِ) هوندو.

2. عمل ۾ اچڻ:
 هي پيٽي قاعدا، 9 نومبر 1996ع کان وٺي عمل ۾ ايندا ۽ هر مقامي شاخ سان لاڳو ٿيندا.

3. ميمبر شپ:
 سنڌ سنگت جي متن، مقصدن ۽ گهربل معيار (آئين جي فقري 6 ۾ موجود) سان اتفاق رکندڙ ڪو به شخص، ڪنهن به مقامي شاخ جي ڪاروباري ڪاميٽيءَ کان، سنڌ سنگت جي مقرر ڪيل فارم تي (ڏسو ضميمو 1) درخواست سان گڏ مقرر في ڏئي، ميمبر ٿي سگهي ٿو.

4. مقامي شاخ:

(الف) ڪنهن به ڳوٺ يا شهر جا ست يا ان کان وڌيڪ، سنڌ سنگت جي متن، مقصدن ۽ معيارن سان اتفاق رکندڙ اديب، سنڌ سنگت(سيڪريٽري جنرل)کان منظوري وٺي، شاخ قائم ڪري سگهن ٿا، پر ان شاخ جو باقاعدي الحاق، جوڙجڪ جي فقري 5 هيٺ مرڪزي ڪاروباري ڪميٽي ڪندي.
(ب) ڪنهن به شهر، ڳوٺ يا اداري جون ست يا ان کان وڌيڪ، سنگت جي متن ۽ مقصدن (۽ معيارن) سان متفق خواتين، مٿي ڄاڻايل فقري واري طريقي سان شهر، ڳوٺ يا اداري ۾ خواتين شاخ قائم ڪري سگهن ٿيون.
(ٻ) ڪا به نئين شاخ، سنڌ سنگت کان اجازت وٺڻ بعد گهٽ ۾ گهٽ ڇهه مهينا ڪم ڪرڻ کان پوءِ پڪي الحاق لاءِ درخواست ڏئي سگهندي
(پ) ان نئين شاخ جا نمائندا، مرڪزي ڪاروباري ڪميٽيءَ جي گهٽ ۾ گهٽ ٻن اجلاسن ۾ مبصر طور شرڪت ڪندا ته جيئن اهي سنگت جي ڪاروهنوار کي سمجهي سگهن.
(ڀ) ڇهن مهينن وارو شرط اهڙين نين شاخن سان لاڳو نه ٿيندو، جيڪي اڳ قائم هيون. پر غير سرگرم رهڻ يا آئيني ضرورتن پوريون نه ڪرڻ سبب ختم ڪيون ويون هيون. اهڙين شاخن جا ميمبر اديب، درخواست ڏئي پنهنجي شاخ مرڪزي ڪاروباري ڪميٽيءَ کان بحال ڪرائي سگهن ٿا.
(ت) هر شاخ لازمي طرح هر پندرهين ڏينهن دستوري گڏجاڻي ڪوٺائيندي، جنهن ۾ تخليقن پڙهڻ، ڪتابن جي مطالعي، ليڪچرن، بحث، اڀياسن،تنقيد وغيره جا عمل شامل هوندا، ڪا شاخ سهوليت آهر جيڪڏهن هفتيوار گڏجاڻي ڪوٺائي ٿي ته ان جي کيس اجازت هوندي.
(ٺ) اهڙين شاخن جو الحاق پاڻ مرادو ختم ٿي ويندو، جيڪي لڳاتار ڪاروباري ڪميٽيءَ جي ٽن اجلاسن ۾ شرڪت نه ڪنديون.
(ٽ) اهڙن شاخن جو الحاق پاڻ مرادو ختم ٿي ويندو، جن جا نمائندا، ٻن سنڌ سنگت ڪائونسل اجلاسن ۾ لڳاتار شرڪت نه ڪندا.

 

پرنٽ يا ڊائونلوڊ ڪيو