http://sindhsangat.atspace.com/constitution/jorjak/jorjak.gif

 

سنڌي ادبي سنگت، سنڌ  رجسٽرڊ جي جوڙ جڪ
13
ڊسمبر 1998ع تائين درست ٿيل

1. نالو:

تنظيم جو نالو سنڌي ادبي سنگت، سنڌ رهندو. (هيٺين قاعدن قانونن ۾ سنڌ سنگت سڏي ويندي).

2. لاڳاپو:

سنڌ سنگت خالص ادبي تنظيم ٿي رهندي، جنهن جو ڪنهن به سياسي پارٽي، تنظيم سان واسطو نه رهندو.

3. مرڪزي آفيس:

سنڌ سنگت جي مرڪزي آفيس حيدرآباد ۾ رهندي  جيسين تائين آفيس جو قيام عمل ۾ اچي، ان عرصي تائين سيڪريٽري جنرل واري شهر ۾ رهندي.

4. متا ۽ مقصد:

1. سنڌي ٻوليءَ، ادب ۽ ثقافت جي بقا، بهبوديءَ ۽ ترقي لاءِ ڪوشش وٺڻ.
2.
سنڌي اديبن، شاعرن، مصورن، فنڪارن ۽ سنڌي ٻوليءَ سان لڳاءُ رکندڙن کي وقت به وقت گڏ ڪرڻ.
3.
پراڻي سنڌي ادب کي ٻيهر ڇپائڻ ۽ جديد ادب کي اهميت ڏئي شايع ڪرائڻ.
4.
سنڌ ۽ ملڪ اندر مختلف قومي وحدتن ۽ دنيا ۾ موجود ادبي تنظيمن سان ناتا قائم ڪرڻ.
5.
سنڌ جي بزرگ هستين، شاعرن ۽ اديبن جي فن ۽ فڪر جي باري ۾ سيمينار، ورڪشاپ، ڪانفرنسون ڪوٺائڻ ۽ ورسيون ملهائڻ.
6.
سنڌ جي جدا جدا شهرن ۽ ڳوٺن ۾ سنڌ سنگت جي شاخن قائم ڪرڻ لاءِ ڪوشش ڪرڻ.
7.
سنڌ جي جدا جدا شهرن ۽ ڳوٺن ۾ لائبريريون قائم ڪرڻ.
8.
اديبن، شاعرن، مصورن ۽ فنڪارن جي مالي مدد لاءِ هڪ ٽرسٽ قائم ڪرڻ، جنهن جو نالو سنڌ سنگت، ڀلائي ٽرسٽ هوندو.
9.
سنڌ سنگت پاران ٽماهي ادبي مخزن جاري ڪرڻ، جنهن جو نالو سنگت هوندو.
10.
تخليقي، تحقيقي، ترجمي ۽ تنقيدي ادب جا ڪتاب ڇپائڻ.
11.
معياري سنڌي ادب کي ٻين ٻولين ۾ ترجمو ڪرائڻ ۽ ٻين ٻولين جي معياري تخليقن کي سنڌيءَ ۾ ترجمو ڪرائڻ.

 

 

پرنٽ يا ڊائونلوڊ ڪيو

 

 

.