ڀڳت واڌورام
-ڀڳت واڌورام- جو -جنم- ضلعي نوشهري فيروز جي ڳوٺ -ڀريا- ۾ 20 -آڪٽوبر- 1868ع ۾ جھمٽ مل کلناڻيءَ جي گھر ۾ ٿيو. کيس پنجن سالن جي عمر ۾ مڪتب ۾ پڙھڻ ويھاريو ويو، پر سندس دل پڙھائيءَ سان نه لڳي. پيءُ جو سڪيلڌو پٽ ھو، -ان- ڪري پڻس کيس ھٽ واڻڪا اکر پڙھائي، دڪان تي ويھاريو، پر اتي به سندس دل نه لڳي. نيٺ مائٽن سندس شاديءَ جو سعيو ڪيو. شادي ٿيڻ کان پوءِ واڌورام گھر وڃڻ گھٽائي ڇڏيو ۽ سڄو ڏينھن دڪان تي ويھي، پکين کي داڻا ۽ چانور ڏيندو رھندو ھو، ڀر ۾ پاڻيءَ جو مٽ رکيائين ۽ آئي وئي کي ڀڳڙا کارائي، پاڻيءَ جي ٽڀي ڀري ڏيندو ھو. -جوڳي- ۽ مسافر وٽس اچي روح رھاڻيون ڪرڻ ۽ معتقد مرادون ماڻڻ ايندا ھئا، هي سنڌ جي نامور ڀڳتن ۾ شمار ٿئي ٿو. -ڀڳت- وجهڻ وقت جامو -پائي- ساٿين سان گڏ نچندو، ڪٿا بيان ڪندو ۽ ڳائيندو هو. سندس آواز مڌر هو، -ان- ڪري ماڻهن کي جهومائي وجهندو هو. -ڀڳت- واڌورام، 25 -جنوري- 1929ع تي هن فاني دنيا مان ڪُوچ ڪري ويو
01-25
الاه ڏنو خاصخيلي
ناميارو فنڪار الهڏنو علي محمد خاصخيلي، 25 -جنوري- 1966ع تي، ميرپور بٺوري، ضلعي -ٺٽي- ۾ ڄائو. تعليمي قابليت ايم. اي ۽ بي. ايڊ اٿس. هن دنيا ۾ پاڻ کي هڪ فنڪار طور متعارف ڪرايو. سندس ڳايل ڪلامن جا ڪيترائي البم مارڪيٽ ۾ اچي چڪا آهن. فني خدمتن عيوض کيس حسنِ ڪارڪردگي اوارڊ ۽ ڪيترا سرٽيفڪيٽ ملي چُڪا آهن. هن وقت گورنمينٽ پي. سي اسڪول ميرپوربٺوري ۾ -استاد- آهي، سندس رهائش پڻ اتي ئي آهي. سندس والد -استاد- علي محمد خاصخيلي، -استاد محمد جمن- جو شاگرد هو ۽ الهڏني پنهنجي والد علي محمد خاصخيليءَ کان راڳ جي سکيا ورتي. هن ريڊيو ۽ ٽي. ويءَ تي به ڳايو آهي، پر عوامي ميڙاڪن جو مقبول فنڪار آهي. شيخ اياز، امداد حسيني، ذوالفقار راشدي، غلام حسين ۽ ٻين جديد شاعرن جي شاعريءَ کي نئين رنگ ۾ ڳائي وڏي مقبوليت حاصل ڪئي
01-25
امير بخاري
امير بخاري- سنڌي ٻوليءَ جو ناميارو شاعر، ليکڪ، صحافي ۽ مضمون نگار آهي. سندس پورو نالو -امير علي شاهه- ولد جعفر علي شاهه آهي. هو پهرين ڊسمبر، 1941ع تي گهوٽڪي تعلقي جي ڳوٺ -ٻيرڙي- -بخارا- لڳ ماٿيلي، مومل جي ماڙيءَ ۾ پيدا ٿيوهن سنڌي فائنل سان گڏ مئٽرڪ، اديب فاضل سنڌي، اديب فاضل -اردو- ۽ انٽر ڊرائنگ جي -تعليم- حاصل ڪئي. -امير بخاري- گهڻو وقت پرائمري اسڪول جو -استاد- پڻ رهيو. هن 1965ع کان لکڻ شروع ڪيو. سندس لکڻيون، سنڌيءَ، اردوءَ سرائڪيءَ ۽ پنجابيءَ ۾ ڇپجنديون رهيون آهن، جيڪي نثر توڙي نظم ۾ آهن. مرحوم رشيد احمد لاشاري، مرحوم سردار علي شاهه ۽ مخدوم غلام محمد -امير- بخاريءَ جا -استاد- هئا. هيل تائين مختلف موضوعن تي سندس ست ڪتاب ڇپجي چُڪا آهن، -جن- ۾ هڪ سندس ڪهاڻين جو مجموعو آهي. آخري عمر ۾ مٿس فالج حملو ڪيو، ڪجهه سال بيماريءَ کي منهن ڏيئي، 25 -جنوري- 2007ع تي وفات ڪري ويو. هن گهوٽڪيءَ ۾ ڪيترائي صحافي تيار ڪيا، جيڪي اڄ صحافتي دنيا ۾ موجود آهن، -جن- مان جيوترام، الهورايو -بوزدار- ۽ ٻيا اهم آهن
01-25